ياسمين عز تثير الجدل مجدداً بعد تصريحها الاخير ….

أثارت الإعلامية المصرية ياسمين عز الجدل مجدداً بعد تصريحاتها الأخيرة بشأن انسياق الفتيات وراء فكرة الاستقلال المادي في برنامجها “كلام الناس”.

وقالت ياسمين عز خلال تقديمها برنامجها “كلام الناس” عبر قناة (MBC) مصر: “الرجل المحترم يشتغل ويشقى عشان يقدر يتجوزك، وإنتي تشتغلي عشان تستقلي وتقدري تسيبيه في أي لحظة، ده ظلم للرجل”.

وأضافت ياسمين عز: “إنتي ماشية ورا كلام بعض الجهلاء، ومفكرة الدنيا من غير الراجل حلوة، لكن هي من غيره سواد ومرار وحزن”.

وتابعت: “لو اشتغلتي وعملتي فلوس وقدرت تستقلي، تقدري تشتري جهاز يوقف عمرك عند الشباب؟ هتكبري والشغل هيخلص، وهتقعدي لوحدك إذا كان باختيارك، وهو ربنا هيكرمه ويكون قاعد لابس شرابه ومدفي رجله وسط أحفاده، بيشرب سحلبه وبيأكل أرنبه وفاتح مكتبه”.

أوضحت ياسمين عز أنها لا توجه نصيحتها لجميع الفتيات قائلة: “عشان مفيش واحدة تقول ده نصيب، كلامي للبعض اللي اختار يكون لوحده ويتجاهل كون الراجل، مش المحترمة الطبيعية اللي عارفة إن الجواز سنة الحياة”.