بسمة بوسيل : الطلاق بالنسبالي كان خضة وحسيت عايزة أقرب من ربنا
![](https://i0.wp.com/www.almwatin.com/wp-content/uploads/2024/03/2024_3_25_0_33_28_665.jpg?resize=657%2C370&ssl=1)
حلت الفنانة بسمة بوسيل طليقة النجم تامر حسني، ضيفة بـ برنامج “ع المسرح”، وتحدثت خلال الحلقة عن فترة طلاقها، وعلاقتها بـ تامر حسني بعد الطلاق.
وقالت بسمة: “الانفصال بالنسبالي كان صعب، عشان خاطر أنا وتامر بنحب بعض أوي كـ أشخاص غير كـ زوجين، يعني أنا فعلاً الشخص ده غالي أوي عليا لغاية دلوقتي بيقولي عملتي إيه؟، طمنيني عليكي؟ .. عارف كل حاجة أنا بعملها”.
وتابعت: “بالنسبالي كانت تروما، وهم معلمينا كده في المغرب وحتى في مصر الطلاق ده مصيبة مع أنه ساعات أنتي تطلقي وكل واحد يفكر في حاجات كتير ويظبط نفسه في حاجات كتير”.
وأضافت: “إحنا فعلا وصلنا لمرحلة كان عندنا مشاكل مكناش بنعرف نتكلم، فـ ده كان مأثر علينا جدا، وبعدها على طول الطلاق فبالنسبالي كان خضة، فـ حسيت اني عايزة أقرب من ربنا، وروحت 3 مرات عمرة في سنة .. بجري كل شوية على الكعبة”.
على جانب آخر، قدمت بسمة بوسيل، أول رباعية لها بمسلسل “نعمة الأفوكاتو” وحملت اسم “ضماير” وغنتها ضمن أحداث العمل الذي يخوض بطولته مي عمر وأحمد زاهر وعدد من الفنانين وإخراج محمد سامي.