عصام عمر بطل مسلسل «بالطو» : قررت أرجع من أمريكا عشان أحقق نفسي في مصر (فيديو)

القاهرة – المواطن

كشف الفنان عصام عمر، قصة كفاحه قبل بطولة مسلسل «بالطو»، حيث أكد أنه هاجر إلى أمريكا، وعانى كثيرًا في مشواره.

وأضاف في لقائه مع الإعلامية منى الشاذلي في برنامج الحكاية على قناة CBC: «أي حد عايز يحقق حاجة لازم يتعب، فأنا تعبت عشان أوصل للحاجة اللي أنا عايزها».

وتابع: «اشتغلت وعملت كاستينج هنا، وبدأت أعمل إعلانات ثم توقفت عشان مبقاش محصور في مجال الإعلانات فقط، وقتها مكنش معايا فلوس، وقعدت فترة مش عارف أعيش كويس وأنا مبقدمش إعلانات لكن كنت بحاول أأهل نفسي عشان أكون ممثل كويس».

وأردف: «سافرت أمريكا مع الفرقة المسرحية اللي كنت شغال معاها وفي عامي 2016، 2017، قدمت على فيزا لأمريكا بالصدفة وحصلت عليها ومكنش معايا فلوس تذكرة أمريكا».

واستطرد: «ولظروفي الملخبطة في القاهرة، صديق لي دفع تذكرة أمريكا، وقعدت عند صديق لي في أمريكا، وملقتش شغل هناك، فكانت فترة صعبة خصوصًا أنني كنت في رمضان وكنت عايز أسدد ديوني، ومكنتش عايز أرجع القاهرة تاني لكن قلت لنفسي لو محققتش نفسي في مصر، مش هعرف أحقق نفسي في أمريكا، ورجعت مصر، وبدأت أحاول أدخل المجال الفني مرة أخرى».