رضوى الشربيني تعلق على سجود عروسة حسن شاكوش في حفل زفافها.. ماذا قالت؟ بالفيديو
القاهرة – المواطن
علقت الإعلامية رضوى الشربيني على واقعة سجود عروس الفنان حسن شاكوش، خلال حفل زفافهما أمس الجمعة، والتي أثارت ضجة كبيرة على وسائل التواصل الاجتماعي.
وقالت «الشربيني» في تعليق عبر برنامجها «هي وبس»، والذي يعرض عبر قناة «سي بي سي سفرة»، اليوم السبت، إن كثير من الناس انتقدوا واقعة السجود، مضيفة: «البعض اعتبر هذه الحركة محاولة لركوب الترند، وآخرين اعتبروا الأمر مجرد تعبير عن مشاعرها».
وأشارت إلى وصول الكثير من الطلبات إليها للتعليق على الواقعة، مضيفة: «هقول إيه، ست فرحانة بتعبر عن فرحتها، يمكن هي شايفة حسن شاكوش الراجل اللي تعمله الحركة دي في الفرح قدام الناس».
وأكملت: «صحيح هي حركة أوفر جدًا، وآخر حاجة كنا بنشوفها إن لاعيبة الكورة يسجدوا لما يجيبوا جون، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناهاش الكلام ده قبل كده، ولكن كل واحد من حقه يعبر عن فرحته بالطريقة اللي تعجبه».
وتابعت «الشربيني»: «مشكلتنا والخوف لو تحول هذا الأمر إلى ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبدًا. لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي، وأفرد دراعي وأحمده قدام الناس بالشكل ده».
