سمية الخشاب بتصريح مفاجئ : “ الجواز والخلفة مش إنجاز ”
وكالات – المواطن
قدمت الممثلة سمية الخشاب عدد من النصائح للشابات قبل تفكيرهم في الارتباط والزواج، لعل أهمها الاهتمام بالدراسة وتوفير فرصة عمل والكشف عن الصحة النفسية .
وقالت في تغريدة عبر حسابها على موقع التواصل الاجتماعي “تويتر”: “مترتبطيش ومتتجوزيش إلا لما تلاقي حد يفخر بيكي أو بدراستك أو بموهبتك ويسيبك تشتغلي وتعملي فلوس خاصة بيكي بدل ما تخدمي ويرميلك مصروف” .
وتابعت: “يا إما تقعدي فبيت أبوكي معززة مكرمة، محدش يطلع من بيت أهله إلا لمكان أحسن مهما كانت درجة الحب مبتأكلش عيش وبتتمحي شخصيتك ودراستك وتعب أهلك سنين كتير” .
وأضافت: “علي فكرة الجواز والخلفة مش إنجاز، والازدياد السكاني ده اللي بيعمل أزمات اقتصادية” .
وواصلت: “وياريت أي إنسان قبل ما ياخد الخطوة دي يروح يكشف علي صحته النفسية عشان ميطلعلناش متحرشين وحرامية ونصابين ويبقي زيادة عدد علي الفاضي” .
هذه ليست المرة الأولى التي تثير فيها الجدل فمؤخراً قالت:”بلا علامة زرقاء بلا هبل أنا أسمي لوحده علامه وأنا كده كده لابسه خرزه زرقاء.. أي حد هيدفع جنيه في ده هيبقي مش إنسان، لو عندك ٨ دولار ترميهم اتبرع بيهم فيد البشريه بدل ما تدفعهم وتاخد علامة مش هتزودلك قيمه في البشرية، اسمك كفايه.”
تجدر الاشارة إلى أن آخر أعمال سمية الخشاب الدرامية، مسلسل “ملحمة موسى” بطولة محمد رمضان، تم عرضه عام 2021، من تأليف ناصر عبد الرحمن، وإخراج محمد سلامة.
علي فكره، الجواز والخلفه مش انجاز، والازدياد السكاني ده اللي بيعمل ازمات اقتصاديه، وياريت اي انسان قبل ما ياخد الخطوه دي يروح يكشف علي صحته النفسيه عشان ميطلعلناش متحرشين وحراميه ونصابين ويبقي زياده عدد علي الفاضي
— Somaya Elkhashab 💋 (@somayaelkhashab) April 24, 2023
