خبير CNC من غزة يقدم نصائح هامة حول ما يسمى “بديل الكنترول” لألواح الطاقة الشمسية
غزة المواطن
أشهر طويلة على بدء حرب الإبادة الإسرائيلية على قطاع غزة، انعكس فيها انقطاع التيار الكهربائي على كافة المجالات. وهو ما دفع السكان للبحث عن بدائل، تعينهم في تأمين الأساسيات والحفاظ على الحياة.
وفي خضم الحرب على غزة، والتي صاحبها انقطاع للكهرباء، باتت الألواح الشمسية المصدر الرئيسي للنازحين والأهالي للحصول على الضوء وشحن الهواتف وما تبقى من أدوات كهربائية.
سالم أبو عمرة الخبير في CNC ” التحكم الرقمي باستخدام الحاسوب” قدم عدة نصائح وملاحظات قد تفيد المواطنين في قطاع غزة حول ما يسمى ( بديل الكنترول ) لألواح الطاقة الشمسية.
وكتب أبو عمرة عبر صفحته الشخصية على موقع “فيسبوك” بأسلوبه الفكاهي : “عارفين الي اخترع التحميلة وأقنع أول شخص يجربها ! نفس مخترع فكرة الشاحن المحول ( أو ما يسمى بديل الكنترول )”
وأضاف: “للمرة المليون .. لحد هلقيت مش فاهم مين إلي أقنع الشعب بالهبل الي اسمه ( الشاحن المحول أو ما يسمى بديل الكنترول ) وبطلع إلو روشتات تعليمات وطريقة استخدام !”.
وقال أبو عمرة: “يا ناس استوعبوا هاد كلو ضحك ع الدقون وبخرب بطاريتك وكل ما يسمى ببديل الكنترول الي بكلفك من 200 – 300 شيكل ، ( ساعة الفولت ) لحالها بتسد عنه وزيادة كمان”.
وتابع: “احلى شي فكرة القاطع لمن يرتفع الفولت عن 14 بدك تنزله بايدك ( طيب حط مفتاح كبسة احمر لانو وظيفته فصل التيار عن الخط الحار فقط ولا بنفعش لازم نضحك ع الناس كويس ) 🤔😅”.
وأخيرا .. الحمد لله على نعمة تحويل الشاحن إلى كنترول
ونعمة المختصين إلي بقنعوا الناس إنو هاد بتسد بالغرض ( عشان يكملوا فراغ جيوبهم ) ..اللهم إني بلغت ، اللهم فاشهد.
لمتابعة المزيد من الشروحات المفصلة حول ( بديل الكنترول ) لألواح الطاقة الشمسية. اضغط هنا و هنا
