تحدث عن أزمته مع هاني شاكر.. حمو بيكا: أنا عمرو دياب الغلابة
تحدث حمو بيكا، عن أزمته مع نقابة المهن الموسيقية خلال فترة الفنان السابق هاني شاكر، لافتًا إلى أنه يلقب نفسه بعمرو دياب الغلابة ولديه الدليل.
وقال بيكا لـ”برنامج العرافة”: “كل اللي هاني شاكر عمله معايا إنه قعدنا في البيت وهو كل شوية عمال يتكلم إنه جابلي سنتين حبس، وأنا راضي بالقانون بس كل اللي هو عمله معايا ظلم لما يخلي كل بتوع المهرجان يغنوا وأنا لا”.
وأردف: “ربنا جابلي حقي وجابلنا نقيب ربنا يخليه لينا، والمجلس القديم جايبنلي مدرس يقولي لا ليه لا، وهاني على دماغنا وكل اللي هو عمله إحنا عملناه برضو”.
وتابع: “مصطفى كامل نقيب الموسيقيين على دماغنا من فوق وهو اللي جابلنا حقنا.. والمهرجانات اسمها أغاني وليست مهرجانات ونقيب الموسيقيين لا يرغب في تسميتها مهرجانات”.
وأضاف حمو بيكا: “وافقنا على رغبة مصطفى كامل وأصبحنا نطلق على المهرجانات اسم أغاني ولا نشعر بالحزن مطلقا، الأغاني الخاصة بنا لا نطلق عليها أغاني شعبية”.
