“وجودك أهم حاجة”.. طليقة المطرب أحمد سعد توجه له رسالة بعيد ميلاده

وجهت علياء البسيوني رسالة لطليقها أحمد سعد بمناسبة عيد ميلاده حيرت الجمهور حول طبيعة العلاقة بينهما، وهل عادت المياه إلى مجاريها أم مجرد تهنئة لأم بناتها.

كتبت علياء البسيوني عبر حسابها بتطبيق Instagram: “اليوم مكانش هيعدي كدة … كل سنة وأنت أطيب وألذ واحد في الدنيا، كل سنة وانت منور حياة كل الحواليك وأنا أولهم”.

الاحتفال بعيد ميلاد أحمد سعد 

وتابعت “و طبعاً كل سنة و أنت أحلى حاجة في حياتنا و مقطعين بعض دايماً.. ماكنش ينفع أعدي اليوم ده من غير ما أقولك أن وجودك أهم حاجة و بيخلي الدنيا أحلى دايماً.. كل سنة وانت طيب يا حمادة”.

التفاعل مع الرسالة 

و جاءت التعليقات على البوست، باحتفالات من المتابعين و كان أولهم تعليق من عزيز الشافعي الذي كتب “ربنا يفرحكم و يهدي سركم يارب”، و علق أحد المتابعين “ايه اليوم الحلو ده”، و كتبت أخرى “أخيراً.. ربنا يخليكم لبعض”، و أبدت ساندي و شذى إعجابهما بالبوست.

يذكر أن علياء البسيوني أعلنت طلاقها من أحمد سعد في أغسطس 2023، عبر حسابها بتطبيق Instagram، كاتبة: “” الحمد لله على كل شيء، تم الطلاق بيني وبين أحمد من شوية بناءً على رغبته”.

وتابعت: “حابة أشكر أحمد جدًا على أصله الغير طيب ومعدنه السئ وحابه اقوله شكرًا على قرارك اللحظي الغير موفق في خراب بيتنا وتدمير أسرتنا الجميلة اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي وعشان المشوار اللي أنا ابتديته ومكنتش حابه إنه ينتهي”.